Wëllkomm op der Websäit vun der Grondschoul Kaerch. Hei kënnt Dir Neiegkeeten a ganz vill Informatiounen ronderëm eis Schoul fannen. De Site ass gläichzäiteg och eng Aarbechtsplattform fir d'Kanner an d'Enseignanten. Vill Spaass beim Entdecken.
D'Equipe ESEB aus der Directioun 02 invitéiert ganz häerzlech op eng Konferenz mam Thema "Les effets multiples du stress à l'école sur l'enfant au cycle 4 - Passage de l'enseignement fondamental à l'enseignement secondaire.", den 7. Oktober um 19h00 am Centre Barblé zu Stroossen. All d'Elteren sinn ganz häerzlech invitéiert.
D'Léierpersonal wënscht alle Kanner an hiren Elteren eng schéi Rentrée, e Méinden, 16. September 2024.
Hei ënnendrënner de Schoulbuet mat alle wichtegen Infoen fir d'Schouljoer 2024/2025.
D'Woch vum 24. Juni bis den 28. Juni steet an der Käercher Schoul ganz ënnert dem Thema "Sport". Niewent verschiddene Parcoursen am Fräien an an der Hal, gëtt an dëser Woch och d'Coupe scolaire gefuer. E Freiden, 28. Juni ass dann de groussen Ofschlossdag mat groussem Vëlostour a Spendelaf, wou och verschidden Atelier'e vum Mike Peter/Dan Wirth, der ASA an der Ligue HMC ugebuede ginn.
invit_conference_cycle4.pdf
